پی سی بی نے پی ایس ایل 7 کیلئےامپائر اور میچ ریفری پینل کا اعلان کردیا

لاہور:پاکستان سپر لیگ7 کے لیے امپائر اور میچ ریفری پینل کا اعلان کردیا گیا۔ آئی سی سی چیف میچ ریفری رنجن مدو گالے پہلی مرتبہ ایچ بی ایل پی ایس میں ریفری کے فرائض انجام دیں گے۔

پاکستان کرکٹ بورڈ کے مطابق اس مرتبہ آئی سی سی ایلیٹ پینل کے دو میچ ریفری پی ایس ایل سیزن سات کا حصہ ہوں گے۔سری لنکا سے تعلق رکھنے والے آئی سی سی چیف میچ ریفری رنجن مدوگالے اور روشن ماہانامہ پاکستان آئیں گے۔ان کے ساتھ علی نقوی، افتخار احمد اور محمد جاوید ملک بھی ذمہ داریاں نبھائیں گے۔

امپائرز میں مائیکل گوف اور رچرڈ الینگ ورتھ غیر ملکی ہوں گے جبکہ مقامی امپائرز علیم ڈار، احسن رضا، آصف یعقوب، فیصل آفریدی اور دیگر بھی ان کے ساتھ معاونت کریں گے۔پلے آف اور فائنل کے لیے امپائرز کا اعلان بعد میں ہوگا۔

This website uses cookies to improve your experience. We'll assume you're ok with this, but you can opt-out if you wish. Accept Read More