پارلیمنٹ کا مشترکہ اجلاس 16 نومبر کو ہونے کا قوی امکان

اسلام آباد: پارلیمنٹ کا مشترکہ اجلاس آئندہ ہفتے بلانے پر حکومت نے مشاورت شروع کردی۔

حکومتی ذرائع کے مطابق مشترکہ اجلاس 16 نومبر کو ہونے کا قوی امکان ہے، حکومت نے اپنے تمام پارلیمنٹرین کو اسلام آباد میں پیر کے روز تک پہنچنے کا ٹاسک دیدیا۔

ذرائع کے مطابق حکومت الیکشن اصلاحات، سمندر پار پاکستانیوں سمیت دیگر اہم معاملات پرقانون سازی کرنا چاہتی ہے ۔اتحادی جماعتوں کو بھی پیر تک جواب دینے کا کہہ دیا گیا۔

جبکہ دوسری جانب اپوزیشن نے بھی اپنے تمام ممبران پارلیمنٹ کو اسلام آباد میں رہنے کی ہدایات کردی ہیں، مسلم لیگ ن، پیپلز پارٹی، جے یو آئی سمیت تمام اپوزیشن ممبران کو اسلام آباد نہ چھوڑنےکی ہدایات جاری کر دی گئی ہے۔

This website uses cookies to improve your experience. We'll assume you're ok with this, but you can opt-out if you wish. Accept Read More