پاکستان کی آزادی کی تحریک اب رکنے والی نہیں ہے ، فواد چوہدری

اسلام آباد: تحریک انصاف کے رہنما فواد چوہدری کا کہنا ہے کہ حکومت نے اپنے سیاسی مخالفین کے خلاف توہین مذہب قوانین کے استعمال کی کوشش کی ۔ آج تک پاکستان میں کبھی کسی حکومت نے یہ حرکت نہیں کی ۔

فواد چوہدری نے ایک ویڈیو پیغام میں کہاہے کہ اپنے سیاسی مخالفین کے خلاف انہوں نے توہین مذہب قوانین کے استعمال کی کوشش کی ۔ آج تک پاکستان میں کبھی کسی حکومت نے یہ حرکت نہیں کی ۔ وزیر قانون اور وزیر داخلہ فاتحانہ انداز میں بتا رہے ہیں کہ ہم نے ان قوانین کا استعمال کیا ہے ۔

فواد چوہدری نے کہاکہ عمران خان کے خلاف اب کردار کشی کی ایک بڑی مہم لانچ کی جارہی ہے ۔ جعلی وڈیوز اور آڈیوز کے ذریعے عمران خان کے کردار پر بات کی جائے گی ۔ 2018 میں بھی ایک خاتون کو پیسے دئیے گئے جس نے کتاب لکھی۔

فواد چوہدری نے کہاکہ پاکستان کی آزادی کی تحریک ان معاملات سے رکنے والی نہیں ہے ۔ آج چاند رات کو لاکھوں نوجوان جھنڈے اٹھا کر نکلیں گے ۔ فواد چوہدری نے کہاکہ مئی کے آخری ہفتے میں پورے پاکستان سے لاکھوں لوگ اسلام آباد ہونگے ۔

This website uses cookies to improve your experience. We'll assume you're ok with this, but you can opt-out if you wish. Accept Read More