پاکستان آئین کے مطابق چلے گا، وزیراعظم کا قوم سے خطاب

اسلام آباد: وزیراعظم شہباز شریف کا کہنا ہے کہ پاکستان آئین کے مطابق چلے گا، کسی ایک شخص کی ضد پر نہیں۔

وزیراعظم شہباز شریف نے قوم سے اپنے پہلے خطاب میں کہا کہ وزیراعظم کا منصب سنبھالنا کسی کڑے امتحان سے کم نہیں ۔ جس ذمہ داری کیلئے قوم نے مجھے منتخب کیا وہ میرے لیے اعزاز ہے۔ میں اپنے قائد نوازشریف اور اتحادی جماعتوں کا شکریہ ادا کرتا ہوں جنہوں نے اعتماد کیا۔

شہبازشریف نے کہا کہ پاکستان کے عوام نے مطالبہ کیا کہ اس نااہل اور کرپٹ حکومت سے ان کی فوری جان چھڑائی جائے۔ اپوزیشن کی تمام جماعتوں نے عوام کی آواز پر لبیک کہا۔

This website uses cookies to improve your experience. We'll assume you're ok with this, but you can opt-out if you wish. Accept Read More