پاکستان نے کرتارپورراہداری پر بھارتی پروپیگنڈا مستردکردیا

اسلام آباد: پاکستان نے کرتارپورراہداری سے متعلق بھارتی پروپیگنڈا مستردکردیا۔ترجمان دفتر خارجہ کا کہنا ہے کہ پاکستان نے کرتارپور راہداری کا کبھی غلط استعمال نہیں کیا۔

دفتر خارجہ نے کرتارپورراہداری سے متعلق بھارتی پروپیگنڈے کو بدنیتی پر مبنی قرار دے دیا۔ترجمان نے کہا کہ پروپیگنڈا من گھڑت اوربھارتی دانستہ مہم کا حصہ ہے۔ بھارت کا مقصد سکھ یاتریوں کیلئے کرتارپور صاحب کوریڈور کھولنے کے اقدام کو نقصان پہنچانا ہے۔

ان کا کہنا تھا کہ بھارتی پروپیگنڈے کے پیچھے چھپے عزائم نئے نہیں ہیں۔ اس کا مقصدمسلمانوں سمیت اقلیتوں کے خلاف انتہاپسند ہندووں کے مظالم پر پردہ ڈالنا ہے۔کرتارپور کوریڈور سکھ برادری کے لیے پاکستان کا تحفہ ہے۔بھارت کو اپنے ملک مین اقلیتوں کے حقوق کے تحفظ کی فکر کرنی چاہئے۔

This website uses cookies to improve your experience. We'll assume you're ok with this, but you can opt-out if you wish. Accept Read More