پاکستان خطے میں قطر کے سیاسی کردار کو اہمیت دیتا ہے، وزیرمذہبی امور

اسلام آباد: وفاقی وزیر مذہبی امور پیر نور الحق قادری سے قطر کے سفیر شیخ سعود عبدالرحمٰن الثانی نے ملاقات کی جس میں دونوں ملکوں کے مابین تعلقات، معتدل سیاسی کردار اور تعاون پر بات چیت ہوئی۔

وزارت مذہبی امور کی جانب سے جاری کی گئیں تفصیلات میں بتایا گیا کہ ملاقات میں مذہبی ہم آہنگی، معاشرے میں برداشت کے فروغ کیلئے مشترکہ کوششوں پر زور دیا گیا۔پاکستان اور قطر کے برادرانہ تعلقات کو مزید تقویت دینے کے عزم کا اظہار کیا گیا۔

وفاقی وزیر مذہبی امور پیر نور الحق کا کہنا تھا کہ پاکستان خطے میں قطر کے معتدل سیاسی کردار کو اہمیت دیتا ہے۔ خطے کی تعمیر وترقی میں دونوں برادر ممالک موثر شراکت دار ہو سکتے ہیں جبکہ قطر ی سفیر شیخ سعود عبدالرحمٰن الثانی کا کہنا تھا کہ مستقبل قریب میں مزید پاکستانی افرادی قوت کیلئے مواقع موجود ہیں۔

This website uses cookies to improve your experience. We'll assume you're ok with this, but you can opt-out if you wish. Accept Read More