بنگلہ دیشی سرحد کے قریب بھارتی بارڈر سیکیورٹی فورس پر فائرنگ

بنگلہ دیشی سرحد کے قریب بھارتی فورس پر فائرنگ سے ایک ہیڈ کانسٹیبل ہلاک۔ فائرنگ تری پورہ کے سرحدی علاقے میں ہوئی۔

میڈیا رپورٹس کے مطابق فائرنگ تری پورہ کے سرحدی علاقے میں ہوئی۔ فائرنگ کے نتیجے میں بی ایس ایف کا 53 سالہ ہیڈکانسٹیبل ہلاک ہوگیا۔ حملہ آوروں کے بارے واضح معلومات نہ مل سکیں۔ بھارتی حکام کے مطابق حملہ نیشنل لبریشن فرنٹ آف تری پورہ کے علیحدگی پسندوں نے کیا۔

بھارتی حکام نے دعوی کیا کی علیحدگی پسندوں نے حملے کے لئے بنگلہ دیش کی سرزمین استعمال کی ہے۔ حالیہ دنوں میں بھارت کی مشرقی ریاستوں میں بھارتی سیکورٹی فورسز پر تواتر سے حملے ہو رہے ہیں۔ چند دن پہلے یوم آزادی پر بھی ریاست آسام میں علیحدگی پسندوں ایک فوجی کیمپ پر حملہ کر کے دو فوجیوں کو زخمی کر دیا تھا۔

This website uses cookies to improve your experience. We'll assume you're ok with this, but you can opt-out if you wish. Accept Read More