او آئی سی کا بھارت میں حجاب پر پابندی پر اظہار تشویش

جدہ: اسلامی ممالک کی تنظیم او آئی سی بھی بھارت میں حجاب کی پابندی پر بول پڑی۔ بھارت میں مسلمانوں پر مسلسل حملوں پر گہری تشویش کا اظہار کرتے ہوئے نفرت انگیز جرائم روکنے کیلیے عالمی برادری سے کردار ادا کرنے کا مطالبہ کردیا۔

اسلامی تعاون تنظیم او آئی سی نے بھارت کی ریاست اتراکھنڈ میں ہری دوار میں مسلمانوں کی نسل کشی سے متعلق حالیہ عوامی مطالبات پر گہری تشویش کا اظہار کیا ہے۔ اس نے سوشل میڈیا سائٹس پر مسلم خواتین کو ہراساں کرنے کے واقعات کے ساتھ ساتھ جنوبی ریاست کرناٹک میں مسلم طالبات کے حجاب پہننے پر پابندی عائد کرنے کی اطلاعات پر بھی تشویش کا اظہارکیا ہے۔

جدہ میں او آئی سی کے جنرل سیکریٹریٹ سے جاری بیان میں کہا ہے کہ او آئی سی نے عالمی برادری بالخصوص اقوام متحدہ سے مطالبہ کیا ہے کہ وہ اس سلسلے میں ضروری اقدامات کرے۔

This website uses cookies to improve your experience. We'll assume you're ok with this, but you can opt-out if you wish. Accept Read More