شمالی کوریا کا ایک ماہ کے دوران ساتواں میزائل تجربہ

پیانگ یانگ:شمالی کوریا نے ایک اور میزائل کا تجربہ کیا ہے۔ درمیانے فاصلے تک مار کرنے والا میزائل نے 800 کلومیٹر کا فاصلہ طے کیا۔

غیرملکی خبر ایجنسی کے مطابق جنوبی کوریا اور جاپانی حکومتوں کی جانب سے بتایا گیا کہ شمالی کوریا نے ایک اور میزائل کا تجربہ کیا ہے ۔جنوبی کوریا کے جوائنٹ چیف آف اسٹاف کے مطابق یہ ایک درمیانے فاصلے تک مار کرنے والا میزائل تھا۔ اور میزائل نے 800 کلومیٹر کا فاصلہ طے کیا۔

جاپانی حکام نے اس میزائل لانچ کو جاپان اور بین الاقوامی برادری کے لیے خطرہ قرار دیا ہے۔ شمالی کوریا نے حالیہ کچھ عرصے میں اپنے ہتھیاروں کے تجربات میں اضافہ کر دیا ہے اور رواں ماہ کے دوران یہ اس کا ساتواں میزائل تجربہ تھا۔

This website uses cookies to improve your experience. We'll assume you're ok with this, but you can opt-out if you wish. Accept Read More