ناظم جوکھیو قتل کیس،تمام ملزموں کو جیل بھیجنے کا حکم

کراچی: ملیر کورٹ نے شکار سے روکنے پر ناظم جوکھیو قتل سے متعلق کیس کی سماعت کی عدالت نے تمام ملزموں کو جیل بھیجنے کا حکم دیتے ہوئے مقدمہ کی سماعت دو دسمبر تک ملتوی کر دی۔

ملیر کورٹ میں شکار سے روکنے پر ناظم جوکھیو قتل سے متعلق کیس کی سماعت ہوئی دوران سماعت تفتیشی افسر کی جانب سے موقف اپنایا گیا کہ ایم پی اے جام اویس و دیگر ملزمان کا جسمانی ریمانڈ مکمل ہو چکا ہے ملزماں کیخلاف میمن گوٹھ تھانے میں ناظم جوکھیو کو اغواء کے بعد قتل کرنے پر مقدمہ درج کیا گیا تھا۔ عدالت نے ریماکس دیئے کہ حتمی چالان کی روشنی میں دہشتگردی ایکٹ کے اضافے کا فیصلہ کیا جائے گا۔ تفتیشی افسر کو آئندہ سماعت پر چالان پیش کرنے کا حکم دیتے ہوئے مقدمہ کی سماعت دو دسمبر تک ملتوی کر دی۔

گزشتہ سماعت پر مدعی مقدمہ کی جانب سے کیس میں انسداد دہشتگردی کی دفعات شامل کرنے کے حوالے سے درخواست دی گئی تھی جس پر آج کی سماعت کے دوران تمام فریقین کی جانب سے دلائل دئیے گئے تھے۔

This website uses cookies to improve your experience. We'll assume you're ok with this, but you can opt-out if you wish. Accept Read More