قومی سلامتی پالیسی قومی اسمبلی میں پیش کی جائے،نوید قمر

اسلام آباد: زائد المعیاد آرڈیننس میں توسیع کے خلاف پیپلز پارٹی نے اسپیکر قومی اسمبلی کو خط لکھ دیا۔ رہنما پیپلز پارٹی نوید قمر کہتے ہیں کہ اسپیکر کے خلاف تحریک عدم اعتماد پر اپوزیشن کی دیگر جماعتوں سے مشاورت کریں گے، حکومت نے عوام دشمن پالیسیوں کا تسلسل برقرار رکھا ہے.

اسلام آباد میں پیپلز پارٹی رہنماؤں نوید قمر اور شازیہ مری کی پریس کانفرنس،حکومت کو خوب آڑے ہاتھوں لیا۔ رہنما پیپلز پارٹی نوید قمر کہتے ہیں کہ منی بجٹ کے ذریعے عوام پر مزید بوجھ پڑے گا،بچوں کے دودھ پر ٹیکس لگا کر ان سے دودھ بھی چھینا جا رہا ہے،حکومت کے طریقہ واردات کا آئی ایم ایف کو پتہ چل گیا ہے۔

پیپلز پارٹی کی رہنما شازیہ مری کہتی ہیں ملک کے اندر بڑھتی ہوئی مہنگائی کے باعث عوام روز بروز غربت تلے پستے جا رہے ہیں، منی بجٹ کا غریب عوام پر اثر نہیں ہوگا جیسے بیانات جھوٹ ہیں۔ موجودہ حکومت نے پارلیمنٹ کو اس لائق بھی نہیں سمجھا کہ قومی سلامتی پالیسی قومی اسمبلی میں پیش کی جائے۔ پیپلز پارٹی رہنماؤں کے مطابق عمران خان سمیت کوئی بھی دانستہ طور پر ایٹمی پروگرام کو نہیں بیچ رہا، مگر آپ شرائط مانتے رہنے سے ایٹمی پروگرام کو بھی خطرہ ہے۔

This website uses cookies to improve your experience. We'll assume you're ok with this, but you can opt-out if you wish. Accept Read More