قومی اسمبلی میں اپوزیشن کا پیٹرول کی قیمتوں میں اضافے پر احتجاج

اسلام آباد: قومی اسمبلی اجلاس میں اپوزیشن نے پیٹرولیم مصنوعات کی قیمتوں میں اضافے کے خلاف احتجاج کیا ہے۔ خواجہ آصف کا کہنا ہے کہ رات کے اندھیرے میں پیٹرول بم گرایا گیا،کورم پورا نہ ہونے پر اجلاس پیر کی شام تک ملتوی کردیا گیا۔

قومی اسمبلی اجلاس میں اپوزیشن نے پیٹرولیم مصنوعات کی قیمتوں میں اضافے کے خلاف احتجاج کیا،ارکان نے پلے کارڈزاٹھالیے،ایوان میں شیم شیم کےنعرے لگائے۔ ن لیگی رہنما خواجہ آصف نے کہا کہ رات کے اندھیرے میں پیٹرول بم گرایا گیا،ریلیف پیکج کی سمجھ نہیں آئی،مہنگائی آسمانوں سے باتیں کررہی ہے،حکومت کو عوام کے دکھ درد کا بالکل احساس نہیں۔

انہوں نے کہا کہ 2018 کا الیکشن عوام کے ساتھ تاریخی دھوکا تھا،عوام کی تکالیف کم کی جانی چاہیے تھیں،یہ ہمیں ڈاکو کہتے ہیں اصل ڈاکو تو حکومتی بینچز پر بیٹھے ہیں۔

اجلاس کے دوران ارکان کی گنتی کے بعد کورم پورا نہ ہوا،کورم پورا نہ ہونے کے باعث اجلاس پیر کی شام 6 بجے تک ملتوی کردیا گیا۔

This website uses cookies to improve your experience. We'll assume you're ok with this, but you can opt-out if you wish. Accept Read More