کراچی میں لڑکی کو سڑک پر تیز دھار آلے سے قتل کردیا گیا

کراچی : کراچی کے علاقے نیو کراچی میں سڑک پر لڑکی کا بے دردی سے قتل کر دیا گیا۔ نوجوان لڑکی کو پڑوسی نے تیز دھار آلے کے پے در پے وار کر کے قتل کر دیا۔

تفصیلات کے مطابق گلی میں گندگی کے معاملے پر لڑکی کا کچھ عرصہ قبل پڑوسی سے جھگڑا ہوا تھا، واردات کے بعد ملزم فرار ہوگیا جبکہ ملزم کے تین بھائیوں کو پولیس نے حراست میں لے کر ملزم کی تلاش شروع کر دی ہے۔

مقتولہ کی چھوٹی بہن کے مطا بق والد چند برس قبل فوت ہوچکے ہیں ، صبا ، اہلخانہ کی واحد کفیل بھی تھی ، گلی میں گندگی کے معاملے پر کچھ عرصہ قبل پڑوسیوں سے جھگڑا ہوا تھا۔

پولیس نے فوری کارروائی کرتے ہوئے سفاک ملزم کے تین بھائیوں کو حراست میں لے کر ملزم کی تلاش شروع کر دی ہے۔

This website uses cookies to improve your experience. We'll assume you're ok with this, but you can opt-out if you wish. Accept Read More