ایم کیو ایم کی جانب سے ریلی میں تشدد کے خلاف درخواست دائر

ایم کیو ایم رہنماؤں کی جانب سے کراچی کی مقامی عدالت میں ریلی کے دوران ہونے والے تشدد کے خلاف درخواست دائر کردی گئی ہے ایم کیو ایم رہنماوں کا کہنا ہے کہ وزیر اعلی سندھ اور دیگر کے خلاف مقدمہ درج نہیں کرنے دیا جارہا ہے۔

سٹی کورٹ کے باہر میڈیا گفتگو میں ایم کیو ایم رہنما کنور نوید جمیل نے کہا کہ ایم کیو ایم کے ایم پی اے، ایم این اے اور کارکنان نے سی ایم ہائوس پر احتجاج کیا۔وزیر اعلیٰ سندھ جاگیدارانہ ذہنیت کے رکھتے ہیں جنہوں نے پولیس کو عورتوں اور بچوں پر لاٹھی چارج کا حکم دیا۔

ایم کیو ایم رہنماؤں کا کہنا تھا کہ احتجاج کرنا ہمارا جمہوری حق تھا، ظالمانہ اقدام پر ہم نے سول لائین تھانے پر ایف آئی آر دائر کرائی لیکن انہوں نے واپس کردی۔ ایم کیو ایم رہنما محمد حسین نے کہاکہ یہ جو تشدد ہوا انسانوں پر ہوا کسی جانور پر نہیں ہوا جس کی فوٹیجز موجود ہیں۔

This website uses cookies to improve your experience. We'll assume you're ok with this, but you can opt-out if you wish. Accept Read More