رواں مالی سال جولائی تا ستمبر کی مالیاتی رپورٹ جاری

اسلام آباد: وزارت خزانہ نے رواں مالی سال کی جولائی تا ستمبر کی مالیاتی رپورٹ جاری کردی۔

وزارت خزانہ کی رپورٹ کے مطابق جی ڈی پی کا مجموعی حجم 53 ہزار 867 ارب روپے ریکارڈ کیا گیا، رواں مالی سال کی پہلی سہہ ماہی کے دوران 438 ارب قرض لیا گیا۔

رپورٹ میں کہا گیا کہ جولائی سے ستمبر کے دوران بجٹ خسارہ 438 ارب، حکومتی آمدنی 1 ہزار 808 ارب رہی، جبکہ ایف بی آر نے پہلی سہہ ماہی کے دوران 1 ہزار 397 ارب روپے کے محصولات جمع کیے۔

رپورٹ کے مطابق پہلی سہہ ماہی کے دوران نان ٹیکس آمدن 275 ارب، مجموعی اخراجات 2 ہزار 247 ارب روپے رہے، سود کی ادائیگیوں پر جولائی تا ستمبر 622 ارب، گزشتہ مالی سال میں 2749 ارب روپے خرچ ہوئے۔ جبکہ جولائی سے ستمبر 624 ارب روپے سیلز ٹیکس، پٹرولیم لیوی کی مد میں 13 ارب روپے اکٹھے ہوئے۔

This website uses cookies to improve your experience. We'll assume you're ok with this, but you can opt-out if you wish. Accept Read More