چیئرمین نیب کی زیرصدارت ٹریننگ اینڈ ریسرچ ڈویژن کا اجلاس

اسلام آباد:چیئرمین نیب جسٹس ریٹائرڈ جاوید اقبال کا کہنا ہے کہ مالی جرائم اور انسداد کے شعبوں میں تفتیشی افسران کی ایکریڈیٹیشن میں بین الاقوامی تعاون میں مدد فراہم کرے گی ۔

چیئرمین نیب جسٹس ریٹائرڈ جاوید اقبال کے زیرصدارت نیب ہیڈ کوارٹرز میں ٹریننگ اینڈ ریسرچ ڈویژن کی کارکردگی کاجائزہ اجلاس ہوا ہے ۔اس موقع پر اپنے خطاب میں چیئرمین نیب نے کہا کہ نیب ہیڈکوارٹرز میں پاکستان اینٹی کرپشن اکیڈمی قائم کی گئی ہے۔

جسٹس ریٹائرڈ جاوید اقبال نے کہا کہ نیب ملک کا اعلیٰ ادارہ ہے جس کو ملک سے بدعنوانی کے خاتمہ کی ذمہ داری سونپی گئی ہے۔نیب تفتیشی افسران اورانسانی وسائل کی ترقی کو اہمیت دیتاہے۔پاکستان اینٹی کرپشن اکیڈمی کو5 اہم خدمات کا مینڈیٹ دیا گیا ہے۔

چیئرمین نیب نے مزید کہا کہ پاکستان اینٹی کرپشن اکیڈمی تمام مقامی اورغیر ملکی اداروں کے درمیان تربیت، تحقیق و اصلاح ، فرانزک تجزیہ، نصاب میں بہتری لائے گی ۔ مالی جرائم اور انسداد کے شعبوں میں تفتیشی افسران کی ایکریڈیٹیشن میں بین الاقوامی تعاون میں مدد فراہم کرے گی۔

This website uses cookies to improve your experience. We'll assume you're ok with this, but you can opt-out if you wish. Accept Read More