مولانا، زرداری ملاقات میں تحریک عدم اعتماد پر مشاورت

اسلام آباد: پی ڈی ایم کے سربراہ مولانا فضل الرحمان اور آصف زرداری کے درمیان ملاقات میں طے نہیں پایا کہ تحریک عدم اعتماد پہلے کس کے خلاف لانی ہے ۔

اپوزیشن اتحاد پی ڈی ایم کے سربراہ مولانا فضل الرحمان اور پیپلز پارٹی کے شریک چیئر مین آصف زرداری کے درمیان ملاقات ہوئی ۔ ذرائع کے مطابق دونوں رہنماؤں کے درمیان تحریک عدم اعتماد پہلے کس کے خلاف لانی ہے اتفاق نہ ہوسکا۔

مولانا فضل الرحمان کا پیپلزپارٹی کو پی ڈی ایم کے لانگ مارچ میں شامل ہونے کا مشورہ دیا جبکہ آصف علی زرداری کی مولانا فضل الرحمان سے لانگ مارچ میں ساتھ آنے کی درخواست کی ۔ ذرائع نے بتایا کہ مولانا فضل الرحمان اور آصف زرداری نے نوازشریف اور شہبازشریف سے بھی رابطہ کیا ہے ۔

مولانا فضل الرحمان اور آصف زرداری کی ملاقات کے اعلامیہ میں کہا گیا ہے کہ اپوزیشن لیڈر شہباز شریف ملاقات کے دوران بذریعہ فون تمام مشاورت میں شریک رہے۔اپوزیشن جماعتوں کے درمیان مسلسل مشاورت جاری ہے۔عدم اعتماد سے متعلق قانونی ماہرین کی رائے بھی آچکی ہے۔عدم اعتماد کی حتمی تاریخ کا تعین جو آج ہونا تھا شہباز شریف کی علالت کے باعث اب آئندہ ایک دو روز میں ہوگا۔

This website uses cookies to improve your experience. We'll assume you're ok with this, but you can opt-out if you wish. Accept Read More