ماہی گیروں نے کراچی پورٹ کا چینل بند کردیا ، کئی جہاز پھنس گئے

کراچی: ماہی گیروں نے کراچی پورٹ کا چینل بند کردیا ہے جس کی وجہ سے بحری جہازوں کی آمد و رفت معطل ہو کر رہ گئی ہے۔کراچی چیمبر آف کامرس کے صدر محمد ادریس نے کہا کہ کل سے کراچی پورٹ کے راستے کو بلاک کردینے سے درآمدی، برآمدی سامان سے لدے کئی جہاز پھنس گئے ہیں۔

محمد ادریس نے کہا کہ کل سے کراچی پورٹ کے راستے کو بلاک کردینے سے درآمدی، برآمدی سامان سے لدے کئی جہاز پھنس گئے ہیں،تقریباً10 کے قریب جہاز جو کراچی پورٹ پر لنگر انداز ہونے تھے وہ بندرگاہ کے حدود کے باہرکھڑے ہیں،اگرصورتحال شام تک اسی طرح برقرار رہی تو عین ممکن ہے کہ کئی جہاز پورٹ پر لنگرانداز ہوئے بناہی لوٹ جائیں گے جس سےتاجر برادری اور معیشت کو ناقابل تلافی نقصانات ہو گا۔

صدر کراچی چیمبر کا مزید کہنا تھا کہ وزیر برائے میری ٹائم افیئرز علی زیدی بگڑتی صورتحال کا فوری نوٹس لیں،بندرگاہ کی راہ میں حائل رکاوٹوں کو فوری طور پرکلیئر کرکے بین الاقوامی تجارت کو بحال کیاجائے،معیشت پہلے ہی مشکلوں سے دوچار ہے، ملک اس صورتحال سے پیداہونے والے نقصانات کامتحمل نہیں ہوسکتا۔

This website uses cookies to improve your experience. We'll assume you're ok with this, but you can opt-out if you wish. Accept Read More