خیبر پختونخوا کے ٹیچرز کا بنی گالہ میں احتجاج، مذاکرات ناکام

اسلام آباد: بنی گالہ میں کے پی کے سے تعلق رکھنے والے اساتذہ کا احتجاج جاری ہے۔ پی ٹی آئی قیادت اور مظاہرین کے درمیان دو مرتبہ مذاکرات ناکام ہو گئے۔

اساتذہ کا کہنا ہے کہ ہم لوگ کنٹریکٹ پر کام کر رہے ہیں۔ ہمیں کہا گیا تھا کہ 9 ماہ کی ٹرینگ کے بعد مستقل کیا جائے گا۔ ہم تیاری مکمل کر کے آئے ہیں کسی بھی صورت مطالبات منوائے بغیر نہیں جائیں گے۔ نوٹیفکیشن نہ ہونے تک دھرنا دیں گے۔

دوسری جانب ترجمان اسلام آباد پولیس کا کہنا ہے کہ اساتذہ سے گزارش ہے کہ پرامن رہیں اور مذاکرات کا راستہ اپنائیں۔ روڈ بند ہونے سے مریضوں اور بنی گالہ کے رہائیشیوں کو مشکلات پیش آرہی ہیں۔

ترجمان اسلام آباد پولیس کا کہنا ہے کہ پولیس کو ہدایت کردی گئی ہے کہ کسی کو چیئرمین پی ٹی آئی کے گھر تک نہ پہنچنے دیا جائے۔ اسلام آباد پولیس شہر کی سکیورٹی پر کسی قسم کا ہرگز سمجھوتہ نہیں کرے گی۔

This website uses cookies to improve your experience. We'll assume you're ok with this, but you can opt-out if you wish. Accept Read More