کلبھوشن قومی ایشو ہے اس پر سیاست نہ کی جائے،اٹارنی جنرل

اسلام آباد: اٹارنی جنرل نے اپوزیشن سے درخواست کی ہے کہ کلبھوشن قومی ایشو ہے اس پر سیاست نہ کی جائے۔ میڈیا سے گفتگو میں اٹارنی جنرل نے کہا کہ پاکستان کو تنہا کرنے کا بھارتی ڈیزائن ناکام ہوا ہے۔

اٹارنی جنرل خالد جاوید خان نے کہا کہ پاکستان کو تنہا کرنے کا بھارتی ڈیزائن ناکام ہوا ہے، بھارت پاکستان کو دوبارہ عالمی عدالت انصاف اور سلامتی کونسل لیکر جانا چاہتا تھا،بھارت کی پاکستان پر پابندیاں عائد کرانے کی کوشش سبوتاژ ہوگئی۔

اٹارنی جنرل خالد جاوید خان کا مزید کہنا تھا کہ کلبھوشن پاکستانیوں کا قاتل اور بھارتی جاسوس ہے، عالمی عدالت انصاف کے فیصلے کے مطابق قانون سازی کی گئی،اپوزیشن چائے تو تفصیلی بریفننگ دینے کو تیار ہیں،اسلام آباد ہائیکورٹ میں کارروائی بھی اسی قانون کے تحت ہو رہی ہے۔

This website uses cookies to improve your experience. We'll assume you're ok with this, but you can opt-out if you wish. Accept Read More