کراچی میں ڈینگی کے بڑھتے کیسز، کئی اسپتالوں کے وارڈز بھر گئے

کراچی میں ڈینگی کے بڑھتے کیسز کے سبب کئی اسپتالوں نے مزید مریضوں کے داخل کرنے سے منع کردیا ہے، جگہ نہ ہونے کی وجہ سے ڈینگی سے متاثرہ مریض ایک سے دوسرے اسپتال منتقل کیے جا رہے ہیں۔

محکمہ صحت سندھ کے مطابق گزشتہ 24 گھنٹوں کے دوران کراچی میں 161 مریض مختلف اسپتالوں میں داخل کیے گئے ہیں، ستمبر کے بارہ دن کے دوران کراچی میں ایک ہزار 227 کیسز رپورٹ ہو چکے ہیں، رواں برس کراچی میں ڈینگی وائرس کے 3 ہزار 434 کیسز اور 9 اموات رپورٹ ہوچکی ہیں۔

This website uses cookies to improve your experience. We'll assume you're ok with this, but you can opt-out if you wish. Accept Read More