امریکہ یوکرین میں فوج نہیں بھیجے گا،جوبائیڈن

امریکی صدرجوبائیڈن کا کہنا ہے کہ امریکہ نے یوکرین میں روسی جارحیت کا عسکری جواب دیا تو تیسری عالمی جنگ چھڑ سکتی ہے۔امریکہ یوکرین میں فوج نہیں بھیجے گا۔

جوبائیڈن نے فلاڈفیا میں ڈیموکریٹس سے گفتگو میں کہا کہ ہم روس سے جڑے نیٹو ممالک سمیت نیٹو کی سرزمین کے ایک ایک انچ کادفاع کریں گےاگر ہم جواب دیتے ہیں تو یہ تیسری جنگ عظیم ہوگی حالانکہ نیٹو کی سرزمین پر ہماری اہم ذمہ داری ہے ۔ ہم یوکرین میں تیسری عالمی جنگ نہیں لڑیں گے۔

جوبائیڈن نے کہا کہ روس پہلے ہی عالمی پابندیوں کی زد میں ہے مزیداجتماعی اقتصادی اقدامات روس کی معیشت کے لیے دھچکا ہوں گے۔امریکی صدر نے وائٹ ہاؤس میں اتحادیوں کے ساتھ ملکر روس پر مزید اقتصادی پابندیوں کا اعلان بھی کیاجس میں روسی سمندری غذا اور ہیروں کی درآمد شامل ہے۔جوبائیڈن نے کہا کہ امریکہ روس کے لیے تجارتی مقصد کی خاطر بہتر قوم کا درجہ واپس لے رہاہے۔

This website uses cookies to improve your experience. We'll assume you're ok with this, but you can opt-out if you wish. Accept Read More