محبت کا یقین دلانے کے لیے نوجوان نے اپنے دانتوں کی قربانی دے دی

قاہرہ: مصر میں نوجوان نے اپنی محبت کا یقین دلانے کے لیے بتیسی کی قربانی دے دی۔

غیر ملکی خبر رساں ایجنسی کے مطابق مصری نوجوان نے اپنی محبوبہ کو محبت اور وفاداری کا یقین دلانے کے لیے دانتوں کی قربانی دی۔ لڑکے کی محبوبہ نے اس پر الزام عائد کیا تھا کہ وہ کسی اور لڑکی میں دلچسپی رکھتا ہے جس پر مصری نوجوان نے انتہائی قدم اٹھایا۔

مصری نوجوان کیک کی لیزا نامی لڑکی سے دوستی کی شروعات 4 ماہ قبل ہی ہوئی تھی لیکن لڑکی کی جانب سے الزامات کے بعد دونوں کے درمیان ایک ہفتے سے بات چیت بند تھی جبکہ لڑکی کی جانب سے لڑکے کو کسی بھی قسم کے میسجز اور کالز کا جواب نہیں دیا جا رہا تھا۔

لڑکے نے لیزا کو صرف آخری بار ملاقات کا پیغام بھیجا جس پر لڑکی راضی ہو گئی اور طے شدہ ریسٹورنٹ پر دونوں پہنچ گئے۔

لڑکی جب ریسٹورنٹ پہنچی تو کیک نے اپنی بتیسی کا بنا ہار لڑکی کو پیش کر دیا جسے دیکھ کر لڑکی کچھ سمجھ نہ سکی لیکن جب لڑکا مسکرایا تو لڑکی کو ہار کی سمجھ آ گئی۔

بعد ازاں لڑکی نے لڑکے کی حرکت کو پاگل قرار دیتے ہوئے بالکل تعلق ختم کرنے کا اعلان کر دیا۔

This website uses cookies to improve your experience. We'll assume you're ok with this, but you can opt-out if you wish. Accept Read More