انسیٹیویشن آف انجینئرز پاکستان کا کنگ سعود یونی ورسٹی میں سیمینار کا انعقاد

ریاض: انسیٹیویشن آف انجینئرز پاکستان سعودی عرب سینٹر کی جانب سے مصنوعی ذہانت کے حوالے سے سمینار منعقد کیا گیا جس میں مقررین نے مصنوعی ذہانت کے حوالے سے اپنی ریسرچ اور تجربات کی روشنی میں شرکاء کو آگاہ کیا۔

سعودی دارالحکومت ریاض میں انسیٹیویشن آف انجینئرز پاکستان سعودی عرب سینٹر کی جانب سے منعقدہ سیمینار میں کنگ سعود یونی ورسٹی کے پاکستانی پروفیسر ڈاکٹر محمد حسین نے بتایا کہ مصنوعی ذہانت کی بدولت آج انسان مزید ترقی کر رہا ہے۔

انسیٹیویشن آف انجینئرز پاکستان کے چیئرمین سید اقبال کا کہنا تھا کہ پاکستانی انجینئرز گروپ ہر سال پاکستان کی بارہ مختلف یونیورسٹیز میں سو کے قریب اسکالر شپ دے رہا ہے۔تقریب سے مہمان خصوصی پروفیسر ڈاکٹر خرم کے علاوہ فاروق اقبال،پروفیسر محمد رفیق نے بھی اظہار خیال کیا۔

This website uses cookies to improve your experience. We'll assume you're ok with this, but you can opt-out if you wish. Accept Read More