بیجنگ میں پاکستانی طلبا کی سہولت کیلئے پورٹل کا افتتاح

بیجنگ: وفاقی وزیر خارجہ شاہ محمود قریشی نے بیجنگ میں پاکستانی طلباء اور پروفیشنلز کی سہولت کیلئے پورٹل کا افتتاح کردیا گیا۔

پاکستانی طلباء اور پروفیشنلز کی سہولت کیلئے بنائے گئے پورٹل کے افتتاح کے موقع پر شاہ محمود قریشی کا کہنا تھا کہ اس پورٹل کا مقصد پاکستانی طلباء اور چینی ماہرین کے مابین تکنیکی روابط کو فروغ دینا ہے۔

وزیر خارجہ نے کہا کہ پورٹل پاکستانی طلباء اور چین میں پیشہ ورانہ کمیونٹی کے درمیان روابط بڑھانے کے لیے ایک پلیٹ فارم کے طور پر کام کرے گا اور جدید تحقیقی اختراعات اور دریافتوں کے ضمن میں معاونت فراہم کرے گا۔

شاہ محمود قریشی نے کہا کہ پاکستانی طلباء اور پروفیشنلز اپنی کامیابیوں کو اس پورٹل کے ذریعے اجاگر کرسکیں گے۔ چین میں پاکستان کے سفیر معین الحق بھی اس موقع پر موجود تھے۔

This website uses cookies to improve your experience. We'll assume you're ok with this, but you can opt-out if you wish. Accept Read More