وزیراعظم نے بلوچستان میں بارشوں سےنقصانات کی رپورٹ طلب کرلی

اسلام آباد: وزیر اعظم عمران خان نے وزیراعلی بلوچستان سے صوبے مین حالیہ بارشوں کی وجہ سے نقصانات کی رپورٹ طلب کر لی۔ وزیر اعظم نے پناہ گاہوں میں مناسب سہولیات فراہم کرنے کی بھی ہدایت کردی۔

وزیر اعظم نے نیشنل ڈیزاسٹر منیجمنٹ اتھارٹی کو گوادر اور تربت میں بارشوں سے متاثرہ افراد کو فوری امداد پہنچانے کی ہدایت کی ہے۔۔وزیر اعظم نے کہا کہ متاثرین کی ہر ممکن مدد کی جائے۔ دوسری جانب وزیر اعظم نے پناہ گاہوں میں قیام پذیر افراد کو سردی کی شدت سے بچانے کے لیے مناسب انتظامات کا حکم دیا ہے۔ پناہ گاہوں میں موجود افراد کو گرم کپڑے، ٹوپیاں، جرابیں وغیرہ تقسیم کرنے کی ہدایت کی گئی ہے۔

وزیراعظم نے کہا کہ سرد موسم میں پناہ گاہ آنے والوں کا مکمل احساس کیا جائے وزیراعظم کی ہدایت پر اسلام آبا دمیں جی نائن، پشاور روڈ، شہزاد ٹاؤن، منڈی موڑ، بہارہ کہو اور ترنول کی پناہ گاہوں میں سامان تقسیم کیا جائے گا۔

This website uses cookies to improve your experience. We'll assume you're ok with this, but you can opt-out if you wish. Accept Read More