پاکستان اور آئی ایم ایف کے درمیان اسٹاف لیول معاہدہ طے پاگیا

اسلام آباد: آئی ایم ایف اورپاکستان کے درمیان قرض کی نئی قسط کے لیے اسٹاف لیول معاہدہ طے پاگیا۔ نئی شرائط کے تحت پیٹرول مزید مہنگا اور ٹیکسوں میں اضافہ کیا جائے گا۔

وزارت خزانہ کے ذرائع کے مطابق پاکستان اور آئی ایم ایف کے درمیان آئندہ بجٹ سے متعلق تفصیلات طے پا گئی ہیں ۔۔ ذرائع کے مطابق نئے مالی سال میں بجٹ کا حجم نو ہزار نو سو ارب ہوجائے گا، بجٹ حجم دس جون کو پیش کردہ بجٹ سے تقریباً چار سو ارب روپے زائد ہوگا ۔

ذرائع کے مطابق پٹرولیم مصنوعات پر پچاس روپے فی لیٹر لیوی عائد کی جائے گی۔ نئے مالی سال میں حکومت اخراجات کم اور ٹیکس وصولی بڑھائے گی۔ نئے سال میں انکم ٹیکس کا ہدف پچپن ارب تک بڑھایا جائے گا۔ چھ سے بارہ لاکھ روپے سالانہ آمدن پر ڈھائی فیصد ٹیکس ہوگا۔

This website uses cookies to improve your experience. We'll assume you're ok with this, but you can opt-out if you wish. Accept Read More