پیپلزپارٹی حکومت میں ہوتی تو جنوبی پنجاب صوبہ بن جاتا، یوسف رضا گیلانی

خانیوال : پیپلز پارٹی کے رہنما سابق وزیر اعظم یوسف رضا گیلانی کا کہنا ہے کہ پاکستان پیپلز پارٹی دیگر سیاسی جماعتوں سے ملکر ملک کو مضبوط کرنے کی کوششیں کر رہی ہے۔اگر ایسا نہیں ہو گا تو ہم پارلیمنٹ کے اندر اور باہر مخالفت کریں گے ۔

خانیوال میں انتخابی جلسے سے خطاب کرتے ہوئے سابق وزیر اعظم یوسف رضا گیلانی کا کہنا تھا کہ ہم نے نوکریاں دینے کی پاداش میں جیلیں کاٹیں۔ ہم نے آغاز بلوچستان مہم چلا کر پسماندہ صوبہ کو ترقی دی۔ہم نے صوبہ سرحد کا نام خیبرپختونخوا رکھا اور اگر پیپلز پارٹی حکومت میں ہوتی تو جنوبی پنجاب صوبہ بن جاتا ۔

سینیٹ میں قائد حزب اختلاف یوسف رضا گیلانی کا کہنا تھا کہ اگر آج ہم آپ سے ووٹ مانگ رہے ہیں تو اپنی کارکردگی کی وجہ سے مانگ رہےہیں ۔

This website uses cookies to improve your experience. We'll assume you're ok with this, but you can opt-out if you wish. Accept Read More