وزیر قانون بنتے ہی شہبازشریف کی ضمانت منسوخ کرؤانگا، فواد چوہدری

اسلام آباد : وفاقی وزیر اطلاعات فواد چوہدری نے کہا ہے کہ مجھے وزارت قانون کا قلمدان مل رہا ہے۔ کل ہی عدالت سے درخواست کروں گا شہبازشریف کی ضمانت مسترد کی جائے۔

اسلام آباد میں میڈیا سے گفتگو کرتے ہوئے فواد چوہدری نے کہا کہ بہت لوگوں کےخواب چکنا چور ہونے ہیں۔ شہبازشریف کا وزیراعظم بننےکا خواب کرچی کرچی ہوناہے۔ عدالت سے ضمانت پر بیٹھا شخص وزیراعظم کا امیدوار ہے ۔باپ وزارت عظمیٰ اور بیٹا وزارت اعلیٰ کا امیدوار بن بیٹھا ہے۔ دونوں ہی عدالتوں سےضمانت پرہیں۔

انہوں نے کہا کہ مجھے وزارت قانون کا قلمدان مل رہا ہے ۔کل ہی عدالت سے درخواست کروں گا شہبازشریف اور حمزہ شہباز کی ضمانت مسترد کی جائے۔ کسی کو باہر بیٹھ کرپاکستان میں حکومت تبدیل کرنےکی اجازت نہیں دیں گے۔اتحادیوں کو کہا آئیں شہادتیں دیکھیں عالمی سازش کیسے ہو رہی ہے ۔شہبازشریف کو بھی کہا آئیں مراسلہ دیکھ لیں وہ بھی نہیں آئے اس کی ایک ہی وجہ ہےکہ یہ لوگ سازش کاحصہ ہیں۔

فواد چوہدری نے کہا کہ غلاماں شریف خاندان کو بھی دیکھ لیں۔ خواجہ آصف پاکستان کاوزیرخارجہ تھااوردبئی میں تنخواہ وصول کررہاتھا ۔خواجہ آصف کہتےہیں امریکااپنی ڈرپ نکال لےتوہم آگےنہیں چل سکتے ہیں۔ منحرف ارکان کی کس طرح ملاقاتیں ہوئیں۔ نوٹس لیاگیا ہے منحرف ارکان پرقانونی چارہ جوئی کی جائےگی۔

This website uses cookies to improve your experience. We'll assume you're ok with this, but you can opt-out if you wish. Accept Read More