معاشی صورتحال بہت گھمبیر ہوچکی ہے،حماد اظہر

لاہور :سابق وفاقی وزیر حماد اظہر کا کہنا ہے کہ معاشی صورتحال بہت گھمبیر ہوچکی ہے۔روس ہمیں تیل فروخت کرنا چاہتا ہے لیکن موجودہ حکومت میں اتنی ہمت نہیں کے روس سے پٹرولیم مصنوعات خرید سکے۔ جو ان کو تجربہ کار کہتے تھے ان کو سب سے پہلے کٹہرے میں کھڑا کرنا چاہیے۔

لاہور میں اپنی رہائش گاہ پر میڈیا سے گفتگو کرتے ہوئے سابق وفاقی وزیر حماد اظہر نے حکومتی فیصلوں کو خوب تنقید کا نشانہ بنایا۔بولے کہ موجودہ حکومت نے اپنی نالائقی کا نیا نام آئی ایم ایف رکھ دیا ہے۔آئی ایم ایف کے کسی معاہدے میں نہیں لکھا کہ پیٹرول اور ڈیزل کی قیمتیں کس حد تک بڑھائی جائیں گی۔حماد اظہر نے موجودہ حکمرانوں کو تجربہ کار کہنے والوں کو سب سے پہلے کٹہرے میں لانے کا مطالبہ کر دیا۔

سابق وفاقی وزیر حماد اظہر کا کہنا تھا کہ ہم احتجاج کرتے ہیں تو دہشت گردی کے مقدمے درج ہوتے ہیں لیکن ملکی سالمیت کے لئے کھڑے تھے اور کھڑے رہیں گے۔

This website uses cookies to improve your experience. We'll assume you're ok with this, but you can opt-out if you wish. Accept Read More