پی ڈی ایم نے مشترکہ اجلاس سے قوانین کی منظوری کو مسترد کردیا،حافظ حمداللہ

اسلام آباد: پی ڈی ایم نے مشترکہ اجلاس سے قوانین کی منظوری کو مسترد کردیا ہے، حافظ حمداللہ کا کہنا ہے کہ پارلیمنٹ کا مشترکہ اجلاس اندھےقوانین کی زد میں تھا یہ ملکی تاریخ کا ایک سیاہ ترین دن تھا۔

پی ڈی ایم ترجمان حافظ حمداللہ نے کہا کہ حکومتی ٹیم نے پوری پارلیمنٹ کو طاقت کے اشاروں پر نچاکر قانون سازی کی،ان اندھے غیرآیئنی قوانین کی منظوری سے جمہوریت کی ہاراورآمریت کی جیت ہوئی،ایک ناکام سیاستدان ناکام حکمران اورناکام حکومت کو بار بارسہارا دینے سے سے قوم اوردنیا کی نظروں میں ملک اوراداروں کا وقارختم ہوتا جارہا ہے۔

حافظ حمداللہ نے کہا کہ متنازع قانون سازی کے ذریعے غیرمتنازع الیکشن کیسے ہوسکتے متنازع قانون سازی کرنے سے متنازع الیکشن کی بنیاد آج سے رکھ دی گئی، ای وی ایم عوام کے ووٹ چوری کرنے کی ایک نئی مشین ہے جو آر ٹی ایس کا دوسرا نام ہے۔

This website uses cookies to improve your experience. We'll assume you're ok with this, but you can opt-out if you wish. Accept Read More