جی پی ایس کی غلطی نے بھاری بھر کم ٹرک 350 فُٹ اونچائی پر لٹکا دیا

بیجنگ: گلوبل پوزیشننگ سسٹم (جی پی ایس) کی غلطی نے انسانی جانوں کو خطرے میں ڈال دیا۔ ایک بھاری بھر کم ٹرک جی پی ایس کے غلط راستہ بتانے کے نتیجے میں 350 فُٹ اونچائی پر لٹک گیا۔

وائرل ویڈیو میں دیکھا جا سکتا ہے کہ ایک دیو ہیکل حجم کا بھاری بھرکم ٹرک ایک اونچی پہاڑی کی تنگ سڑک پر خوفناک طریقے سے پھنسا ہوا ہے۔غیر ملکی میڈیا رپورٹس کے مطابق اس ٹرک کو ریسکیو ٹیم کی جانب سے تین بڑے ٹرکوں کی مدد سے پیچھے کی جانب دھکیل کر واپس سڑک پر لایا گیا۔

دوسری جانب ٹرک کے ڈرائیور مسٹر وُو کا کہنا ہے کہ وہ جی پی ایس کے بتائے گئے راستے کے مطابق ڈرائیونگ کر رہے تھے کہ ٹرک ایک تنگ سڑک پر آ گیاکہ اس دوران ایک ٹائر کے پھسلنے کے سبب یہ خوفناک صورتحال پیش آئی۔

This website uses cookies to improve your experience. We'll assume you're ok with this, but you can opt-out if you wish. Accept Read More