حکومت کے پاس ٹیکس ادا نہ کرنے والوں کا مکمل ڈیٹا ہے، شوکت ترین

اسلام آباد: وفاقی وزیر خزانہ شوکت ترین نے کہا ہے کہ حکومت کے پاس ٹیکس ادا نہ کرنے والے ڈیڑھ لاکھ افراد کا مکمل ڈیٹا ہے۔ رواں ماہ سے انکم ٹیکس ادا نہ کرنے والوں کو نوٹسز جاری کیے جائیں گے۔

اسلام آباد میں سال 2019 کی پارلیمنٹرین ٹیکس ڈائریکٹری جاری کرنے کی تقریب سے خطاب میں وزیر خزانہ شوکت ترین کا کہنا تھا کہ ایف بی آر نے لوگوں کی آمدن کا درست اندازہ کرنے کیلئے نادرہ اور آرٹیفشل انٹیلی جنس سے مدد لی۔ نوٹسز میں لوگوں کی آمدن کا تخمینہ لگا کر انہیں ٹیکس نیٹ میں لائیں گے۔

وزیر خزانہ شوکت ترین کا کہنا تھا کہ نوٹس جاری کرنے کا مقصد کسی کو ہراساں کرنا نہیں ہے۔ ٹیکس نوٹس پر اعتراض کی صورت میں تھرڈ پارٹی آڈٹ کرایا جائے گا۔ 22 کروڑ کی آبادی میں سے صرف 20 لاکھ رجسٹرڈ ٹیکس پیئر ہیں پانچ سال میں ٹیکس ٹو جی ڈی پی 20 فیصد تک لے جانا چاہتے ہیں۔

This website uses cookies to improve your experience. We'll assume you're ok with this, but you can opt-out if you wish. Accept Read More