حکومت کا پیکا ایکٹ سے متعلق اپیل واپس لینے کا اعلان

اسلام آباد: وفاقی وزیراطلاعات و نشریات مریم اورنگزیب نے ایف آئی اے کی جانب سے سپریم کورٹ میں پیکا ایکٹ سے متعلق دائر اپیل واپس لینے کا اعلان کردیا۔

وزیر اطلاعات مریم اورنگزیب نے سماجی رابطے کی ویب سائٹ ٹوئٹر پر اپنے پیغام میں کہا ہے کہ وزیراعظم شہباز شریف اور مجھے کچھ دیر پہلے معلوم ہوا کہ ایف آئی اے نے پیکا ایکٹ2016 کے حوالے سے اسلام آباد ہائی کورٹ کے فیصلے کے خلاف سپریم کورٹ میں درخواست دائر کی ہے تاکہ ایکٹ کے سیکشن بیس کو بحال کیا جائے۔

انہوں نے کہا کہ مذکورہ پٹیشن حکومت کی پالیسی اور آزادی اظہار رائے کو یقینی بنانے کے اصول کے خلاف ہے لہذا اسے واپس لیا جاتا ہے۔ وزیر اعظم نے درخواست دائر ہونے کا سختی سے نوٹس لیا ہے۔

This website uses cookies to improve your experience. We'll assume you're ok with this, but you can opt-out if you wish. Accept Read More