شہباز گل کی صحت تسلی بخش ہے، انہیں دل کی تکلیف نہیں، میڈیکل رپورٹ

پی ٹی آئی رہنما شہباز گل کی میڈیکل رپورٹ سامنے آگئی جس کے مطابق شہباز گل کی طبیعت تسلی بخش ہے، انہیں دل کی تکلیف نہیں ہے۔

رہنما پی ٹی آئی شہباز گل کی میڈیکل رپورٹ آگئی۔ پمز اسپتال کے چار سینیئر ڈاکٹروں پر مشتمل ٹیم نے شہباز گل کا معائنہ کیا۔ رپورٹ کے مطابق شہباز گل کی طبعیت تسلی بخش ہے انہیں دل کی تکلیف نہیں۔ شہباز گل کو بچپن سے سانس کا مسئلہ ہے اور ضرورت پڑنے پر برونکڈیلٹر استعمال کرتے ہیں۔ انہیں سانس لینے میں مسئلہ ہے اور جسم میں کندھے، گردن اور چھاتی کے بائیں جانب درد محسوس کر رہے ہیں۔

رپورٹ میں مزید کہا گیا ہے کہ شہباز گل کی گزشتہ رات ای سی جی رپورٹ بہتر نہیں تھی۔ دل کی دھڑکنیں رات تیز تھیں، بعض اوقات بے چینی بڑھنے سے دل کی دھڑکنیں تیز ہوجاتی ہیں جس سے سانس لینے میں مشکلات آ جاتی ہیں۔ دوبارہ ای سی جی کی جائے گی۔ شہباز گل کی صحت کے لحاظ سے ان کا مزید معائنہ کرنا ہو گا۔

This website uses cookies to improve your experience. We'll assume you're ok with this, but you can opt-out if you wish. Accept Read More