سردیوں میں صرف چند گھنٹے ہی گیس مل سکے گی

اسلام آباد:وزارت پٹرولیم اور سوئی ناردرن کمپنی نے گیس فراہمی کے حوالے سے نیا شیڈول تشکیل دیدیا، چوبیس گھنٹوں کے دوران صارفین کو صرف چند گھنٹے ہی گیس مل سکے گی۔

ذرا ئع کے مطابق گھریلو صارفین کو صبح 5:30 بجے سے 8:30 تک گیس ملے گی، دوسرے پیریڈ میں دن 11:30 سے 2:00 دوپہر تک گیس ملے گی اور شام 4 سے رات 10 بجے تک گیس آئے گی۔ گیس فراہمی کے نئے شیڈول کا نفاذ دسمبر سے فروری تک ہوگا۔

صدر لاہور چیمبر نعما ن کبیر نے گیس فراہمی شیڈول کو مسترد کر دیا، کہتے ہیں گیس فراہمی کا یہ شیڈول صارفین سے ظلم ہوگا، فراہمی میں ناکامی کے ذمہ داران کا تعین کیا جائے۔

انہوں نے کہا کہ متبادل فیول ایل پی جی، کوئلہ اور تیل پہلے ہی مہنگے ہیں، گیس کی عدم فراہمی سے صنعتی پہیہ رک جائے گا۔ نعمان کبیر نے وزیر اعظم سے گیس فراہمی کی اس صورتحال کا نوٹس لینے کا مطالبہ کیا۔

This website uses cookies to improve your experience. We'll assume you're ok with this, but you can opt-out if you wish. Accept Read More