گاما پہلوان کا144واں یوم پیدائش، گوگل کا ڈوڈل سے خراج تحسین

اسلام آباد: باون برس ناقابل شکست رہنے والے گاما پہلوان کے ایک سو چوالیسویں یوم پیدائش پر گوگل نے ڈوڈل کے ذریعے انہیں خراج تحسین پیش کیا ہے۔

بائیس مئی اٹھارہ سو اٹھہتر کو بھارتی شہر امرتسر میں پیدا ہونے والے غلام حسین المعروف گاما پہلوان نے صرف دس برس کی عمر میں نامی گرامی پہلوانوں کو چت کر کے ہندوستان بھر میں شہرت کے جھنڈے گاڑے۔

دنیا بھر میں فن پہلوانی میں نام کمانے کے لئے انیس سو دس میں لندن میں دنیا بھر کے پہلوان کو چیلنج کیا اور زیبسکو کو ہرا کر رستم زمان کا ٹائٹل اپنے نام کیا ان کا یہ اعزاز ایک سو نو برس گزر جانے کے باوجود آج بھی قائم ہے۔

زندگی کے آخری ایام میں بیمار ہوئے، یوں فن پہلوانی کا یہ روشن ستارہ بیاسی برس کی عمر میں ہمیشہ کے لئے ڈوب گیا۔

This website uses cookies to improve your experience. We'll assume you're ok with this, but you can opt-out if you wish. Accept Read More