افغانستان کو گندم کی امداد پہنچائی جا رہی ہے،دفتر خارجہ

اسلام آباد: ترجمان دفتر خارجہ نے کہا ہے کہ پاکستان کی طرف سے افغانستان کو انسانی امداد کے طور پر اٹھارہ سو میٹرک ٹن گندم کی پہلی کھیپ آج پہنچائی جا رہی ہے۔

ترجمان دفتر خارجہ نے اپنے ایک بیان میں کہا کہ بائیس نومبر کو وزیر اعظم عمران خان نے افغانستان میں پانچ ارب روپے مالیت کی انسانی امداد کا اعلان کیا تھا۔ امدادی سامان میں پچاس ہزار میٹرک ٹن گندم، طبی سامان، موسم سرما میں پناہ گاہیں اور دیگر سامان بھی شامل ہے۔

ترجمان نے کہا کہ پاکستان کی طرف سے افغانستان کو انسانی امداد کے طور پر اٹھارہ سو میٹرک ٹن گندم کی پہلی کھیپ آج پہنچائی جا رہی ہے،اٹھارہ سو میٹرک ٹن گندم کی پہلی کھیپ آج طورخم میں افغانستان کے حوالے کی جا رہی ہے۔

This website uses cookies to improve your experience. We'll assume you're ok with this, but you can opt-out if you wish. Accept Read More