پاکستان آنے یا جانے والے مسافروں کیلئے کسٹم ڈیکلریشن فارم بھرنا لازمی ہو گا


ایف اے ٹی ایف قوانین کے نفاذ کے حوالے سے حکومت پاکستان کی ہدایات پر سول ایوی ایشن کی جانب سے عمل شروع کردیاگیا۔ترجمان سی اے اے کے مطابق پاکستان آنے یا بیرون ملک جانے والے مسافروں کے لیے کسٹم ڈیکلریشن فارم بھرنا لازمی ہوگا۔

ایف اے ٹی ایف قوانین کے نفاذ کے حوالے سے پاکستان آنے یا بیرون ملک جانے والے مسافروں کے لیے کسٹم ڈیکلریشن بشمول کرنسی ڈیکلریشن فارم بھرنا لازمی ہوگا۔ پاکستان سے بیرون ملک جانے والے مسافروں کے لیے بورڈنگ پاس کا اجراء کسٹمز ڈیکلریشن فارم سے مشروط ہوگا۔

پاکستانی ائیرپورٹس پر بیرون ملک سے آنے والے مسافر بھی کسٹم ڈیکلریشن فارم پر کریں گے۔ پاکستان آنے والی فلائٹ کے دوران فضائی میزبان مسافروں کو کرنسی و کسٹم ڈیکلریشن فارم پر کرنے کے حوالے سے مطلع کریں گے۔ بیرون ملک سے آمد پر کسٹمز کاونٹر پر ڈیکلریشن کی تفصیل امیگریشن سے قبل فراہم کرنا ہوگی۔

ترجمان کے مطابق پاکستان کسٹمز کو تمام انٹرنیشنل ایئرپورٹس پر عملہ متعین کرنے کی ہدایت کردی گئی ہے۔ مسافروں کو کسٹمز اور ائیرلائنز کا عملہ رہنمائی فراہم کرے گا۔ فیٹف کے ضابطہ اخلاق پر عملدرآمد کے حوالے سے سی اے اے کسٹمز اور ائیرلائنز سے مکمل تعاون کرے گا۔

This website uses cookies to improve your experience. We'll assume you're ok with this, but you can opt-out if you wish. Accept Read More