اپوزیشن ملک میں انتشار پھیلا رہی ہے، شبلی فراز

کراچی : وفاقی وزیر سائنس اینڈ ٹیکنالوجی شبلی فراز کا کہناہےاپوزیشن ملک میں انتشار پھیلا رہی ہے، پارلیمنٹ لاجز میں پولیس کے داخلے کے ذمہ دار مولانا فضل الرحمن ہیں، نا وہ اپنی فورس لاتے نہ پولیس پارلیمنٹ میں جاتی۔

وفاقی وزیر سائنس اینڈ ٹیکنالوجی شبلی فراز نے کہا کہ پارلیمنٹ لاجز واقع میں مولانا فضل الرحمن ذمہ دار ہیں ،جو زبان مولانا نے استعمال کی وہ ایک عالم دین کو زیب نہیں دیتی،وفاقی وزیر شبلی فراز نے کراچی میں قومی ادارہ برائے بحری امور میں قائم سمندری تحقیق کی لیبارٹری کا افتتاح کے بعد میڈیا سے گفتگو میں کہا کہ بلاول آپ ان لوگوں کے ساتھ بیٹھے ہو جنھوں نے آپ کے نانا اور والدہ کی توہین کی، وفاقی وزیر کا کہنا تھا کہ ہم عمران خان کے ساتھ چٹان کی طرح کھڑے ہیں تحریک عدم اعتماد بری طرح ناکام ہو گی۔

This website uses cookies to improve your experience. We'll assume you're ok with this, but you can opt-out if you wish. Accept Read More