کھاد کا حصول، کسانوں کا لائنوں میں لگنا انتظامیہ کی کار کردگی کا پول کھو ل رہا ہے، فخر امام

کہروڑپکا: کہروڑپکا میں وفاقی وزیر سید فخر امام نے میڈیا سے گفتگو کرتے ہوئے کہا کہ کھاد کے حصول کے لئے کسانوں کا لائنوں میں لگنا ڈسڑکٹ و تحصیل انتظامیہ کی کار کردگی کا پول کھو ل رہا ہے۔

وفاقی وزیر سید فخر امام نے کہروڑپکا میں پی ٹی آئی رہنما نواب امان اللہ خان سے ملاقات کے بعد میڈیا سے بات چیت میں کہا کہ آئی ایم ایف کی شرائط پرمنی بجٹ میں جی ایس ٹی کااضافہ کیا گیا اورعوام پر اضافی بوجھ ڈالا گیا، عوام صبر کا دامن تھامے رکھے بہت جلد خوشحالی آئے گی، حالات اچھے ہونگے۔

انہوں نے کہا کہ وزیراعظم پاکستان اس حوالے سے بہت فکر مند ہیں اجلاسوں میں بھی لائحہ عمل مرتب کیا جا رہا ہے،ان کا کہنا تھا کہ زرعی صورت حال کے حوالے سے حالات مخدوش ہیں،جعلی کھاد کی فروخت بھی کسانوں کو پر برے اثرات مرتب کرہی ہے۔

This website uses cookies to improve your experience. We'll assume you're ok with this, but you can opt-out if you wish. Accept Read More