الیکشن کمیشن نے مالاکنڈ جلسے پر عمران خان کو نوٹس جاری کر دیا

اسلام آباد: ترجمان الیکشن کمیشن کے مطابق ڈسٹرکٹ مانیٹرنگ آفیسر الیکشن کمیشن نے مالاکنڈ جلسہ کرنے پر وزیر اعظم کو نوٹس جاری کر دیا ہے۔ وزیر اعظم کو ڈی ایم او مالاکنڈ نے 22 مارچ کو دن 10 بجے طلب کرلیا۔

وزیراعظم کو جلسہ کرنے سے روکنے کے لیے بھی الیکشن کمیشن نے نوٹس جاری کیا تھا۔ خیبر پختونخواہ میں بلدیاتی انتخابات کے دوسرے مرحلے کے پیش نظر ضابطہ اخلاق کی خلاف ورزی پر مانیٹرنگ آفیسر الیکشن کمیشن نے نوٹس جاری کیا ہے۔ نوٹس میں بتایا گیا ہے کہ وزیر اعظم ذاتی حیثیت میں پیش ہوکر یا بذریعہ وکیل وضاحت دیں۔

ترجمان الیکشن کمیشن کے مطابق وزیراعلی خیبرپختونخوا محمود خان ،وفاقی وزیر مواصلات مراد سعید کو بھی نوٹس جاری کر دیا گیا ہے۔ جبکہ وفاقی وزیر علی زیدی، سینیٹر فیصل جاوید، ممبر قومی اسمبلی جنید اکبر، ممبر صوبائی اسمبلی شکیل خان اور ممبر صوبائی اسمبلی پیر مصور کو بھی نوٹس جاری کر دیا گیا ہے۔

This website uses cookies to improve your experience. We'll assume you're ok with this, but you can opt-out if you wish. Accept Read More