الیکشن کمیشن اپنی آئینی ذمہ داریوں سے مکمل واقف ہے، ترجمان

اسلام آباد: الیکشن کمیشن پاکستان کا کہنا ہے اپنی آئینی ذمہ داریوں سے مکمل واقف ہیں اور عام انتخابات کرانے کی صلاحیت رکھتے ہیں ۔

ترجمان کے مطابق الیکشن کمیشن نے تحریک انصاف کے رہنماؤں شاہ محمود قریشی ، فرخ حبیب، فواد چوہدری اور شیریں مزاری کے بیانات پر اپنے وضاحتی بیان میں کہا ہے کہ الیکشن کمیشن اپنی آئینی ذمہ داریوں سے مکمل واقف ہے اور عام انتخابات کرانے کی صلاحیت رکھتا ہے۔

ترجمان الیکشن کمیشن کے مطابق فاٹا کے خیبر پختونخوا میں ضم کرنے سے قومی اسمبلی کی نشستیں 272 سے 266 رہ گئی ہیں۔ قومی اسمبلی کی نشستیں کم ہونے سے نئی حلقہ بندیاں ضروری ہیں۔ 2017 کی مردم شماری کے عبوری نتائج کے باعث حلقہ بندیاں شروع نہیں کی جا سکتی ہیں۔

الیکشن کمیشن نے مردم شماری کے حتمی نتائج کے لیے وفاقی حکومت کو متعدد خطوط لکھے۔ مردم شماری تاخیر سے نوٹئیفائی ہونے پر حلقہ بندیوں کا کام شروع کیا گیا۔کام شروع ہوتے ہی حکومت نے نئی مردم شماری کا اعلان کر دیا تاہم نئی مردم شماری نہ ہونے پر حلقہ بندیوں کا عمل بھی شروع نہ ہو سکا۔

This website uses cookies to improve your experience. We'll assume you're ok with this, but you can opt-out if you wish. Accept Read More