الیکشن کمیشن نے عمران خان کی تقاریر کا ریکارڈ طلب کر لیا

اسلام آباد: الیکشن کمیشن نے چیئرمین تحریک انصاف کے الیکشن کمیشن پر مبینہ الزامات کا نوٹس لیتے ہوئے پیمرا سے عمران خان کی تقاریر کا ریکارڈ طلب کر لیا۔

الیکشن کمیشن نے چیئرمین پیمرا سے بذریعہ خط عمران خان کی تقاریر کا ریکارڈ طلب کر لیا اور بھکر اور لیہ میں عمران خان کی تقریر کا ریکارڈ منگوا لیا۔ الیکشن کمیشن نے پیمرا سے آٹھ جولائی کو خوشاب میں عمران خان کی تقریر کا ریکارڈ بھی طلب کر لیا۔الیکشن کمیشن نے فیاض الحسن چوہان کے بیانات کا بھی نوٹس لے لیا۔ الیکشن کمیشن نے پیمرا سے خط کے ذریعے فیاض الحسن چوہان کے نجی ٹی وی کو انٹرویو کا ریکارڈ طلب کر لیا، الیکشن کمیشن فیاض الحسن چوہان کے مبینہ الزامات کا جائزہ لے گا۔

This website uses cookies to improve your experience. We'll assume you're ok with this, but you can opt-out if you wish. Accept Read More