الیکشن کمیشن کا ضابطہ اخلاق میں تبدیلی پر اٹارنی جنرل سے رجوع کا فیصلہ

اسلام آباد: حکومت کی جانب سے ضابطہ اخلاق میں تبدیلی کے معاملے پر چیف الیکشن کمشنر کے زیرصدارت اعلیٰ سطح کا اجلاس ہوا ۔ الیکشن کمیشن نے حکومتی آرڈیننس پر اٹارنی جنرل سے رجوع کرنے کا فیصلہ کرلیا ۔

ذرائع کے مطابق چیف الیکشن کمشنر کی زیر صدارت اعلیٰ سطح کا اجلاس ہوا جس میں ای سی پی ممبران، سیکرٹری الیکشن کمیشن اور قانونی ٹیم شریک ہوئی ۔ اجلاس میں حکومت کی جانب سے ضابطہ اخلاق میں تبدیلی کا معاملے حکومتی آرڈیننس کا جائزہ لیا گیا ۔

ذرائع کا کہنا ہے کہ اجلاس میں الیکشن کمیشن کی قانونی ٹیم نے شرکاء اجلاس کو قانونی پہلوؤں پر بریفنگ دی ۔ ذرائع الیکشن کمیشن کے مطابق نئے آرڈیننس میں آئینی اور قانونی پیچیدگیاں ہیں۔ الیکشن کمیشن نے حکومتی آرڈیننس پر اٹارنی جنرل سے رجوع کرنے کا فیصلہ کیا ہے ۔ سیکرٹری الیکشن کمیشن کی سربراہی میں الیکشن کمیشن کی لیگل ٹیم جلد اٹارنی جنرل سے ملاقات کرے گی۔

This website uses cookies to improve your experience. We'll assume you're ok with this, but you can opt-out if you wish. Accept Read More