عراقی وزیراعظم مصطفیٰ الکاظمی کی رہائش گاہ پر ڈرون حملہ

بغداد: عراق کے وزیر اعظم مصطفیٰ الکاظمی کی رہائش گاہ پر ڈرون حملہ کیا گیا ہے تاہم حملے میں عراقی وزیر اعظم محفوظ رہے ۔

عراقی میڈیا کے مطابق وزیر اعظم مصطفیٰ الکاظمی کی رہائش گاہ پر ڈرون حملہ کیا گیا ہے ۔ بغداد کے گرین زون میں قائم وزیراعظم مصطفی الکاظمی کی رہائش گاہ پر ڈرون حملے کے بعد شدید فائرنگ کی آوازیں بھی سنی گئیں ۔

ترجمان وزیراعظم ہاؤس کے مطابق وزیراعظم مصطفی الکاظمی قاتلانہ حملے میں محفوظ ہیں جبکہ وزیراعظم مصطفی الکاظمی نے اپنے ٹوئٹر پیغام میں کہا کہ الحمداللہ میں خیریت سے ہوں۔ عراقی عوام پرسکون اور پرامن رہیں ۔

وزیراعظم کے قریبی ذرائع نے ڈرون حملے میں وزیراعظم کی سیکیورٹی پر مامور متعدد اہلکاروں کے زخمی ہونے کا دعویٰ کیا ہے تاہم ڈرون حملے سے ہونے والےنقصان کی مکمل تفصیل فراہم نہیں کی گئی جبکہ ابھی تک کسی نے ڈرون حملے کی ذمہ داری قبول نہیں کی ہے ۔

This website uses cookies to improve your experience. We'll assume you're ok with this, but you can opt-out if you wish. Accept Read More