اسلام آباد میں ڈینگی بے قابو، مریضوں کی تعداد 3083 ہوگئی

اسلام آباد: دارلحکومت میں ڈینگی نے گزشتہ تمام ریکارڈ توڑ دیے۔ گزشتہ روز ڈینگی کے مزید 91 کیسز سامنے آئے ہیں۔ اسلام آباد میں ڈینگی کے مریضوں کی تعداد 3083 ہوگئی۔ڈینگی سے اب تک 11 افراد انتقال کرچکے ہیں۔

ڈی ایچ او اسلام آباد ڈاکٹر ضعیم ضیاء کے مطابق اسلام آباد کے کل کیسز میں سے 1824 کا تعلق دیہی جبکہ 1259 کا شہری علاقوں سے ہے۔ ڈینگی کے سب سے زیادہ 757 کیسز ہولی فیملی اسپتال راولپنڈی میں لائے گئے۔

ڈی ایچ او اسلام آباد کا کہنا ہے کہ فیڈرل جنرل اسپتال میں335، پمز میں 282 ،پولی کلینک میں 108، بینظیر بھٹو اسپتال راولپنڈی میں 144،ڈی ایچ کیو اسپتال راولپنڈی میں37 مریض لائے گئے جبکہ اس کے علاوہ نجی اسپتالوں و لیبارٹریز میں بھی 1400 سے زائد مریضوں میں ڈینگی کی تصدیق ہوئی۔

This website uses cookies to improve your experience. We'll assume you're ok with this, but you can opt-out if you wish. Accept Read More