قومی اسمبلی کا بجٹ اجلاس تاخیر سے بلانے کا فیصلہ

اسلام آباد: عالمی مالیاتی ادارے آئی ایم ایف سے مذاکرات کے باعث قومی اسمبلی کا بجٹ اجلاس تاخیر سے بلانے کا فیصلہ کیا گیا ہے۔ حکومتی ذرائع کے مطابق بجٹ اجلاس چھ جون کو شروع کرنے کی تجویز ہے ۔

ذرائع کے مطابق آئی ایم ایف سے مذاکرات کے باعث نئے مالی سال 2022-23 کا بجٹ 10 جون کو پیش کرنے پر غور جاری ہے جبکہ پاکستان اور آئی ایم ایف کے درمیان ساتویں اقتصادی جائزہ مذاکرات 18 مئی سے شروع ہونگے۔

آئی ایم ایف پروگرام کی بحالی کیلئے حکومت کو پیٹرول، ڈیزل، بجلی پر سبسڈی میں بتدریج کمی لانا ہوگی، کامیابی کی صورت میں پاکستان کو 96 کروڑ ڈالر کی اگلی قسط ملے گی۔

This website uses cookies to improve your experience. We'll assume you're ok with this, but you can opt-out if you wish. Accept Read More