کورونا کے مثبت کیسز کی شرح 0.78فیصد پر آگئی

اسلام آباد: کورونا وائرس سے مزید4افراد انتقال کرگئے جس کے بعد جاں بحق افراد کی مجموعی تعداد 28ہزار 659 ہو گئی ہے۔

نیشنل کمانڈ اینڈ آپریشن سینٹر کی جانب سے جاری اعدادو شمار کے مطابق گزشتہ 24 گھنٹوں کے دوران ملک بھر میں مزید313کورونا کیسز رپورٹ ہوئے جس کے بعد ملک میں کورونا کیسز کی مجموعی تعداد 12 لاکھ 81 ہزار872ہوگئی۔

این سی او سی کے مطابق گزشتہ چوبیس گھنٹوں میں ملک بھر میں 40ہزار19کورونا ٹیسٹ کیے گئے اور مثبت کیسز کی شرح 0.78فیصد رہی۔وبا سے مزید چار مریضوں کے انتقال سے ملک وبا سے مجموعی اموات کی تعداد28ہزار 659 ہو گئی ہے۔

اعداد و شمار گزشتہ چوبیس گھنٹوں میں وبا سے متاثرہ 309 مریض صحت یاب بھی ہوئے جس کے بعد صحت یاب ہونے والوں کی تعداد 12لاکھ 30ہزار734 ہوگئی ہے۔

سندھ میں کورونا کے کیسز کی تعداد 4 لاکھ 74ہزار58، خیبر پختونخوا میں ایک لاکھ 79 ہزار553، پنجاب میں 4 لاکھ 42 ہزار422،اسلام آباد میں ایک لاکھ 7 ہزار467، بلوچستان میں 33 ہزار434، آزاد کشمیر میں 34 ہزار532 اور گلگت بلتستان میں 10 ہزار406 ہو گئی ہے۔

This website uses cookies to improve your experience. We'll assume you're ok with this, but you can opt-out if you wish. Accept Read More