کورونا وبا سےاموات میں کمی،مثبت کیسز کی شرح ایک فیصد ریکارڈ

اسلام آباد: کوروناکیسزاوراموات میں کمی ،گزشتہ چوبیس گھنٹے کے دوران مزید دو افراد جاں بحق،جبکہ تین سو تین افراد وبا میں مبتلا ہو گئے۔ملک بھر میں اب تکپندرہ لاکھ بائیس ہزار ایک سو اکانوے افراد کورونا سے متاثر ہوئے۔

نیشنل کمانڈ اینڈ آپریشن سینٹر کے مطابق گزشتہ چوبیس گھنٹوں کے دوران ملک میں کورونا کی تشخیص کے لیے 30 ہزار300 ٹیسٹ کیے گئے جن میں سے 303 افراد میں کورونا وائرس کی تصدیق ہوئی۔

این سی او سی کے مطابق 493 مریضوں کی حالت تشویشناک ہے۔جبکہ گزشتہ روز دو مریض انتقال کر گئے ۔کورونا سے اموات کی مجموعی تعداد تیس ہزار تین سو اکتیس ہو گئی جبکہ ایکٹو کیسز کی تعداد پندرہ ہزار سات سو چالیس ہے۔ ملک میں پندرہ لاکھ بائیس ہزار ایک سو اکانوے افراد اب تک کورونا سے متاثر ہوچکے ہیں ، جن میں سے چودہ لاکھ چھہتر ہزار ایک سو بیس افراد نے وباسے چھٹکارا پایا ۔

This website uses cookies to improve your experience. We'll assume you're ok with this, but you can opt-out if you wish. Accept Read More